Пациентке бағдарланған медициналық-санитариялық алғашқы көмекті дәлелді медицина қағидаттарына сүйене отырып көрсету.
Мақсатымыз - заманауи диагностикалық, емдік-алдын алу және медициналық-әлеуметтік технология негізінде пациенттің қажеттігіне жауап беретін, сенімге негізделген сапалы, қолжетімді, үздіксіз және қауіпсіз көмекті халыққа қамтамасыз ету.
БОЛАШАҚ БЕЙНЕМІЗ:
Денсаулық сақтау саласындағы инновациялық бағдарламаларды іске асыруға негізделген, сапалы әрі қолжетімді медициналық көмек көрсететін, бәсекеге қабілетті және қарқынды дамып келе жатқан ұйым.
Біздің қызметтің басымдығы - әлеуметтік бағдарланған медициналық-санитариялық алғашқы көмек үлгісін дамыту, салауатты өмір салтын насихаттау мен дағдыларын қалыптастыру, сондай-ақ халықтың өз денсаулығына ортақ жауапкершілігін тәрбиелеу.
МАҚСАТЫМЫЗ:
Халыққа қолжетімді, сапалы және қауіпсіз қызмет көрсете отырып, тегін медициналық кепілдендірілген көмек көлемі мен міндетті әлеуметтік медициналық сақтандыру шеңберінде медициналық-санитариялық алғашқы және мамандандырылған медициналық көмекті ұсыну.
Бұл көмекке профилактикалық, диагностикалық және емдеу қызметтері, сондай-ақ медициналық-санитариялық алғашқы көмек деңгейінде балалар мен ересектерге медициналық оңалту кіреді.
«САУ ҰРПАҚ - ҰЛТ БОЛАШАҒЫ»
Алматы қаласы Орталық отбасылық емхана ЖШС ұраны
ҚҰНДЫЛЫҚТАР МЕН ЭТИКАЛЫҚ
Топтық рух - емхананың жалпы нәтижесі үшін ортақ жауапкершілік;
Кәсібилік - барлық білімді, мүмкіндікті және тәжірибені пациент пен ұжым игілігі үшін жоғары нәтижеге бағыттау, өзара тиімді әріптестік негізінде үнемі өзін-өзі жетілдіру және кәсіби білімін арттыру;
Жаңашылдық - адамның шығармашылық қабілеті мен дарынын ашуға жағдай жасау;
Тәлімгерлік - тәжірибе алмасу, еңбек мәдениеті мен корпоративтік құндылықты дарыту;
Жеке тұлғаның қадір-қасиетіне құрмет - адамның құқықтары мен бостандықтарын сақтау;
Пациент - басты назарда - әр пациенттің жеке қажеттілігін ескере отырып, жоғары сапалы қызмет көрсету;
Мейірімділік - пациенттерге көмектесуге қашанда дайын болу, адамсүйгіштік;
Жауапкершілік - өз әрекеті үшін жауап беру міндеті мен қажеттігі;
Әріптестік - тұрақты өзін-өзі талдау және ынтымақтастық, сондай-ақ жауапкершілік пен жұмыс көлемі арасындағы тепе-теңдікке негізделген сенім жүйесін қалыптастыру;
Ашықтық - жеке және ұжымдық іс-әрекетте адалдық пен әділдік қағидаттарын ұстану
Жоғары білікті медициналық персонал - кәсіби деңгейін үнемі жетілдіруге ұмтылатын мамандар.
